Bakı. Trend:
"Atəşgah" və "Atəşgah Həyat" şirkətləri fəaliyyətlərini davam etdirir.
Bu barədə Trend-ə "Atəşgah Sığorta Agentliyi” MMC-dən məlumat verilib.
Məlumatda qeyd olunur ki, "Atəşgah Sığorta Agentliyi” MMC-nin ləğvinə dair yayımlanan elanla əlaqədar bildiririk ki, bu məlumatın “Atəşgah” və “Atəşgah Həyat” sığorta şirkətlərinə aidiyyatı yoxdur.
Hər iki şirkətin fəaliyyətində heç bir dəyişiklik yoxdur. Şirkətlərin iş rejimi - b.e.- cümə günləri saat 9.00-dan 18.00-dək olsa da müştərilərin rahatlığını təmin etmək məqsədilə nahar fasiləsi zamanı da xidmət göstərilir.
Xatırladaq ki, “Atəşgah” Sığorta Şirkəti 1996-cı ildə təsis edilib. 2016-cı ilin nəticələrinə görə, “Atəşgah” Sığorta Qrupu (“Atəşgah” və “Atəşgah Həyat”) Azərbaycan sığorta şirkətlərinin renkinq siyahısında lider mövqelərdən birini tutur. Bu dövr ərzində Qrupun sığorta haqları 76,6 mln. AZN, ödənişləri isə 43,3 mln. AZN olub. “Atəşgah” SQ müştərilərinə 20-dən artıq sığorta növü üzrə xidmət göstərir. “Atəşgah” SQ regionlarda 14, Bakıda isə 10 filialı fəaliyyət göstərir.
