Bakı. 31 may. REPORT.AZ/ Əfqanıstan paytaxtı Kabildə törədilən partlayışa görə məsuliyyəti İŞİD terror qruplaşması üzərinə götürüb.
Bu barədə "Report" RİA "Novosti"yə istinadən xəbər verir.
Əfqanıstan DİN-in ilkin məlumatlarına görə, bomba su daşıyan maşına yerləşdirilib.
Qeyd edək ki, bu gün səhərt Kabildə prezident sarayı və xarici səfirliklərin binalarının yaxınlığında güclü partlayış baş verib. Bir çox tikililərə, o cümlədən Fransa və Almaniya səfirliklərinin binasına ziyan dəyib. KİV-in məlumatına görə, partlayış nəticəsində ölənlərin sayı 90-a, yaralıların sayı isə 380 nəfərə çatıb.