Dortmund "Borussiya"sından ayrılmağa hazırlaşan Pyer-Emerik Aubameyanq Fransaya transfer olur. Fanat.Az xəbər verir ki, qabonlu futbolçu PSJ-yə keçir.
"Yahoo Sports"un əldə etdiyi məlumata görə, artıq iki klub arasında razılıq əldə olunub. PSJ bu transferə görə "Borussiya"ya 70 milyon avro ödəyəcək. Futbolçu özü ilə 6 milyon avro imza haqqı və illik 10 milyon avro maaş alacaq.
Qeyd edək ki, Aubameyanq "Borussiya"nın heyətində keçirdiyi 189 matçda 120 qol vurub və 33 məhsuldar ötürmə edib.
Fanat.Az