İraqın Mosul şəhərində 60 nəfərin cəsədinin olduğu kütləvi məzarlıq aşkarlanıb.
Milli.Az APA-ya istinadən xəbər verir ki, kütləvi məzarlıq Mosulun Əş-Şifa bölgəsində aşkarlanıb. İraq rəsmiləri tapılan şəxslərin İŞİD terror təşkilatının qurbanları olduğunu bildirib. Məzarlıqda əsasən əvvəlcə güllələnən yaşlı insanlar və qadınlar tapılıb.
Qeyd edək ki, İraqın Mosul şəhərinin İŞİD-dən azad edilməsi əməliyyatı keçən ilin oktyabr ayında başlayıb. Bundan əvvəl şəhərin şərq hissəsi terrorçulardan azad edilib. Mosulun qərbinin azad edilməsi üçün əməliyyat bu ilin fevralından davam edir.
Milli.Az