İran İslam Şurası Məclisinin (parlament) sədri və rəyasət heyətinin üzvləri seçilib. Bununla əlaqədar mayın 31-də keçirilən iclasda parlamentin sədri vəzifəsinə yeganə namizəd olan Əli Laricani 268 səsdən 204-nü toplayıb.
Səsvermədə, həmçinin Məsud Pezeşkan 179 və Əli Mütəhhəri 163 səslə parlament sədrinin 1-ci və 2-ci müavinləri seçiliblər.
Əli Laricani 2008-ci ilin aprelindən İran parlamentinin sədridir.
İranda parlamentin sədri və rəyasət heyətinin üzvü vəzifələrinə seçkilər hər il keçirilir.
