Bakı. 1 iyun. REPORT.AZ/ Sankt-Peterburqda XXI Peterburq Beynəlxalq İqtisadi Forumu işə başlayıb (SPIEF-2017).
"Report” xəbər verir ki, Forumun əsas tədbirləri 1-3 iyun arası baş tutacaq. Əsas sessiya zamanı dünya iqtisadi trendləri, beynəlxalq gündəliyin əsas əsas məsələləri müzakirə ediləcək. Forum çərçivəsində 100-dən çox tədbir keçiriləcək.
Forumda təxminən 12 min nəfər, o cümlədən 39 xarici ölkələrin nazirləri və 870 şirkət rəhbərləri iştirak edir. Həmçinin tədbirə Azərbaycan Dövlət Neft Şirkətinin (SOCAR) nümayəndə heyəti qatılıb.
Forumun mərkəzi tədbiri iyunun 2-də keçiriləcək. Plenar iclasda Rusiya prezidenti Vladimir Putin, Hindistan baş naziri Narendra Modi və Avstriya Respublikasının Federal kansleri Kristian Kernin iştirakı gözlənilir.