Səhiyyə Nazirliyi rezidentura təhsili almış həkimlərin işlə təminatı məsələsinə aydınlıq gətirib

Səhiyyə Nazirliyi rezidentura təhsili almış həkimlərin işlə təminatı məsələsinə aydınlıq gətirib
09:36 2 İyun 2017
52 Ölkə
Ölkə mətbuatı
A- A+

Bakı. İlhamə İsabalayeva – Trend:

Azərbaycan Səhiyyə Nazirliyi ölkədə rezidentura təhsili almış həkimlərin işlə təminatı məsələsinə aydınlıq gətirib.

Nazirlikdən Trend-in sorğusuna cavab olaraq bildirilib ki, 2014-cü ilә kimi rezidenturaya daxil olmuş hәkim-mütəxəssislәr üçün təyinatda iştirak mütləq deyil. Rezidentura təhsilini müvəffəqiyyətlə başa vuran həkim-mütəxəssislərin təyinatın tarixləri barədə məlumatlandırılması üçün Səhiyyə Nazirliyinin rəsmi internet saytında yekun attestasiyadan qısa müddət sonra müvafiq elan yerləşdirilir. Təyinat zamanı həmin həkim-mütəxəssislərə iş yerləri təklif olunur. Lakin onlar təklif olunan vakant yerdə işləmək istəmədikdə həmin vakant yerdən imtina edə bilərlər. Bu halda yaxud təyinatda iştirak etmək istəmədikdə həkim-mütəxəssislər işlə tәmin olunmaq üçün ümumi qaydada Sәhiyyə Nazirliyinin rәsmi internet saytında yerləşdirilәn həkimlərin mərkəzlәşdirilmiş qaydada işə qəbulu ilə bağlı elanlar üzrә müsabiqəlәrdə iştirak edə bilәrlər.

Nazirlikdən bildirilib k, 2014-cü ildə və sonra rezidenturaya qəbul olunmuş həkim-mütəxəssislərin işlə təminatı isə 3 illik mütləq təyinat vasitəsilə həyata keçirilir. "Rezidentura təhsilinin məzmunu və təşkili Qaydaları"nın 2.4-cü bәndinə әsasən dövlәt sifarişi әsasında rezidentura tәhsili almış şəxslər rezidenturanı bitirdikdәn sonra әmәk fәaliyyәtlәrini 3 il müddətindә Sәhiyyә Nazirliyinin göndərişinә əsasən dövlət sәhiyyә müəssisәlәrində davam etdirmәlidirlәr.


Xəbərin orijinal ünvanı: http://az.trend.az/azerbaijan/society/2761853.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR