2014-cü ildə İŞİD tərəfindən qaçırılaraq cinsi köləyə çevrilən qadın İraqdakı kəndinə geri dönüb.
Milli.Az Haberler-ə istinadən xəbər verir ki, qadın "Mən də kişilər kimi öldürüləcəyimi sandım, amma bunun yerinə təcavüz etdilər" deyib.
İraqın şimal-qərbində qaçırılan 7.000 qadın və qızdan biri olan Murad 2014-cü ildə Sincar yaxınlığındakı Koçoda yaşayırdı. 400 min yezidinin yaşadığı bölgədə qaçırılanların arasında olan Murad aylarla İŞİD terrorçuları tərəfindən Mosulda təcavüz və işgəncəyə məruz qalıb.
Təhlükəsizlik tədbirlərinin yüksək səviyyədə olduğu duyğu dolu qovuşmaq səhnəsində səlahiyyətlilərlə bir-bir qucaqlaşan Murad gözyaşlarına hakim ola bilməyib.
O, bölgədə 7 kütləvi məzarlığın olduğunu söyləyib.
Murad yaşadıqlarını qələmə aldığını və bu ilin sonunda kitab çıxaracağını deyib.
Məhəmməd Vaqif
Milli.Az
Videonu izləmək üçün şəklə klikləyin:
Digər maraqlı xəbərlər Milli.Az-ın Facebook səhifəsində
