Suriyada Bəşər Əsəd rejimi ölkənin cənubundakı Dera şəhərində müxaliflərin ələ keçirdiyi bölgələrə hücum etməyə hazırlaşır.
Metbuat.az-ın məlumatına görə, son üç gün ərzində bölgəyə Rusiya istehsalı texnika və sursat cəlb olunub.
Deradakı Müstəqil Suriya Ordusu komandirlərindən Abdullah Əbu Zeyd son açıqlamasında bunları deyib:
"Bu böyük plan rejimin Derada itirdiyi əraziləri yenidən geri qaytarmaq niyyətini əks etdirir".
Əbu Zeydin sözlərinə görə, hücumdan xəbərdar olan müxaliflər rejim qüvvələrinə qəfildən zərbə endirə bilər.
