Qadın voleybolçular arasında 2018-ci ildə keçiriləcək Dünya çempionatının seçmə mərhələ oyunları davam edir.
Metbuat.az-ın məlumatına görə, E qrupunda mübarizə aparan Azərbaycan millisi bu gün İsraillə qarşılaşıb.
Oyun başdan-sonra voleybolçularımızın üstünlüyü şəraitində keçib. 3:0 hesabı ilə qələbə qazanan Azərbaycan yığması sonuncu turun nəticəsindən asılı olmayaraq, növbəti mərhələyə vəsiqə qazanıb. Komandamız sabah Hollandiyanı məğlub edəcəyi təqdirdə birbaşa turnirin final mərhələsinə, uduzacağı halda isə pley-offa yüksələcək.
Dünya çempionatının seçmə mərhələsi
E qrupu
4-cü tur
2 iyun
İsrail – Azərbaycan - 0:3 (9:25, 14:25, 18:25)
Hakimlər: Sanya Mikloşiç (Sloveniya), Sabine Vitte (Almaniya)
