Salyan. 2 iyun. REPORT.AZ/ Salyanda 1 yaşlı uşaq yanıq xəsarətləri alıb.
“Report”un Aran bürosu xəbər verir ki, hadisə axşam saatlarında, rayonun Xələc kəndində baş verib. Belə ki, həmin kənddə yaşayan Elcan Şamxal oğlu Əlicanov valideynlərinin diqqətindən yayınaraq qaynar çaydanı üstünə aşırıb.
Nəticədə E.Əlicanov müxtəlif dərəcəli yanıq xəsarətləri alıb. Körpə Salyan Mərkəzi Rayon Xəstəxanasına çatdırılıb və ona ilkin tibbi yardım göstərilib.