Bakı. 5 iyun. REPORT.AZ/ Türkiyənin baş naziri Binəli Yıldırım Almaniyanın xarici işlər naziri Ziqmar Qabriellə əvvəlcədən planlaşdırılan görüşü təxirə salıb.
“Report” "Haber7"yə istinadən xəbər verir ki, buna səbəb olaraq hökumət başçısının iş rejiminin sıx olduğu göstərilib.
Binəli Yıldırım almaniyalı nazir Ziqmar Qabrieli yerli vaxtla saata 12.30-da Çankaya iqamətgahında qəbul etməli imiş.
Qeyd edək ki, iyunun 5-də Almaniyanın xarici işlər naziri Ziqmar Qabriel Türkiyəyə səfər edib.
