Suriya müxalifəti alyansının "Suriya demokratik qüvvələri"nin (SDF) silahlı dəstələri (kürdlər və ərəblərdən ibarət dəstələr-red.) Raqqa şəhərinə daxil olublar.
Milli.Az APA-ya istinadən xəbər verir ki, bunu alyansın nümayəndələrindən biri deyib.
O bildirib ki, hücum əməliyyatında ABŞ və tərəfdaşları xüsusi rol oynayıblar. Belə ki, koalisiyanın hərbi-hava qüvvələri İŞİD-in mövqelərinə zərbələr endirib, quru qoşunlar isə SDF döyüşçüləri ilə yanaşı döyüşüblər.
Suriya müxalifətinin dəstələri Raqqaya şərq istiqamətindən daxil olublar.
Qeyd edək ki, Raqqa 2013-cü ildə İŞİD-in nəzarətindədir. Şəhər terrorçuların qeyri-rəsmi paytaxtı sayılır.
Milli.Az
Digər maraqlı xəbərlər Milli.Az-ın Facebook səhifəsində