“Neftçi”nin U-14 komandası iyunun 6-dan 11-dək Rusiyanın Mahaçqala şəhərində keçiriləcək "Caspian Cup-2017” beynəlxalq turnirində iştirak edəcək.
Fanat.Az xəbər verir ki, 8 komandanın 2 qrupda mübarizə aparacağı turnirdə "ağ-qaralar”ın rəqibləri "Dinamo” (Tiflis), "Yunost” (Vladiqafqaz) və "Anji” (Mahaçqala) olacaq.
Komanda B qrupundakı ilk oyununu bu gün Tiflis "Dinamo”suna qarşı keçirəcək. İyunun 7-də "Yunost”la qarşılaşacaq "Neftçi”nin bundan bir gün sonrakı rəqibi "Anji” olacaq. Təmsilçimizin qrup oyunları Bakı vaxtı ilə saat 18:00-da başlanacaq.
"Qəbələ” klubunun da yer aldığı digər qrupda "Krasnodar” (Krasnodar), "Ramzan” (Qroznı) və "Rostov” (Rostov) komandaları yarışacaq.
Fanat.Az
