Rusiya Baltik dənizi üzərində ABŞ B-52 strateji bombardmançısını ələ keçirmək üçün Su-27 qırıcısını havaya qaldırıb.
Publika.az “RİA-Novosti” agentliyinə istinadən xəbər verir ki, bu haqda Rusiya Müdafiə Nazirliyi bildirib.
“Rusiyanın Su-27 qırıcısının ekipajı təhlükəsiz məsafəyə qədər hava obyektinə yaxınlaşıb. Onun B-52 Amerika strateji bombardmançısı olduğunu müəyyən edib və müşayiəti həyata keçirib”, - xəbərdə qeyd edilir.
Xəbərə görə, bombardmançının Rusiya sərhədindən uzaqlaşmasından sonra Su-27 qırıcısı öz aerodromuna sağ-salamat qayıdıb.
Qeyd edək ki, B-52 bombardmançısı eyni vaxtda 20 ədəd nüvə silahı daşıya bilər: 14 qanadlı raket, 4 B61-7 bombası və 2 B83 bombası.
Ömər