"Millidə oynamaq şansı qazandığım üçün şadam. Qrup ikincisiyik və Azərbaycanla oyunda müsbət nəticə naminə əlimizdən gələni etməliyik". Fanat.Az xəbər verir ki, bu sözləri DÇ-2018-in seçmə mərhələsi çərçivəsində iyunun 10-da Azərbaycan yığmasının qonağı olacaq Şimali İrlandiyanın hücumçusu Şey Makkartan deyib.
Ingiltərənin 2-ci liqa təmsilçisi "Akkrinqton Stenli" klubunun forvardı əlavə edib: "Türkiyədə hazırlaşmağımız işimizə yarayacaq. Bu, iqlimə uyğunlaşmaq baxımından yaxşı fürsətdi. Rəqibi ciddiyə almalı olduğumuzu bilirik".
Fanat.Az
