Bakı. Trend:
Braziliyanın keçmiş turizm naziri Enrike Eduardu Alves Natal şəhərində futbol stadionunun tikintisi zamanı oğurluq faktı ilə bağlı həbs olunub.
Trend-in məlumatına görə, keçmiş nazir korrupsiya və çirkli pulların yuyulmasında ittiham olunur.
Məlumatda qeyd olunur ki, 2014-cü ildə keçirilmiş futbol üzrə dünya çempionatı üçün nəzərdə tutulan “Arena-das-Dunas” stadionunun tikinti dəyərinə əlavə olaraq 23 milyon dollardan çox məbləğ artırılıb.
Bu məbləğin böyük hissəsinin tikinti şirkətlərinə yardım edən məmurlara ödənildiyi bildirilib.
