Bosniya və Herseqovinanın Rəyasət Heyətinin Sədri Mladen İvaniç Azərbaycan Respublikasının Prezidenti İlham Əliyevə təbrik məktubu göndərib.
Milli.Az AZƏRTAC-a istinadən xəbər verir ki, təbrikdə deyilir:
"Zati-aliləri.
Azərbaycanın milli bayramı - Respublika Günü münasibətilə Bosniya və Herseqovinanın Rəyasət Heyəti adından və şəxsən öz adımdan Sizə səmimi təbriklərimi çatdırır, ölkənizin daha da firavanlaşmasını ürəkdən arzulayıram.
Bu xoş fürsətdən istifadə edərək qəti əmin olduğumu bildirirəm ki, Bosniya və Herseqovina ilə Azərbaycan Respublikası arasında dostluq münasibətləri ölkələrimizin rifahı naminə daha da inkişaf edəcək.
Zati-aliləri, xahiş edirəm ən yüksək ehtiramımı qəbul edin".
XXX
Əfqanıstan İslam Respublikasının Prezidenti Məhəmməd Əşrəf Qani Azərbaycan Respublikasının Prezidenti İlham Əliyevə təbrik məktubu göndərib.
Milli.Az AZƏRTAC-a istinadən xəbər verir ki, təbrikdə deyilir:
"Zati-aliləri.
28 May - Respublika Günü münasibətilə Zati-alinizə və qardaş Azərbaycan xalqına Əfqanıstan xalqı adından ən səmimi təbriklərimi çatdırmaqdan şərəf duyuram.
Ölkələrimiz arasında qarşılıqlı maraqların nəzərə alınması ilə əməkdaşlığın daha da inkişaf etdirilməsi və genişləndirilməsi Əfqanıstan üçün vacib məsələlərdəndir.
Mən Azərbaycan ilə Əfqanıstan arasındakı mövcud dostluq əlaqələrindən razılığımı bildirir və bu xoş fürsətdən istifadə edərək qardaş xalqlarımızın münasibətlərinin daha da dərinləşməsini və möhkəmlənməsini arzulayıram.
Zati-aliləri, Sizə möhkəm cansağlığı, müvəffəqiyyət, dost Azərbaycan xalqına isə səadət və tərəqqi arzu edirəm".
XXX
İspaniyanın Kralı VI Felipe Azərbaycan Respublikasının Prezidenti İlham Əliyevə təbrik məktubu göndərib.
Milli.Az AZƏRTAC-a istinadən xəbər verir ki, təbrikdə deyilir:
"Azərbaycanın milli bayramı - Respublika Günü münasibətilə İspaniya Hökuməti və xalqı adından Sizi səmimi qəlbdən təbrik edirəm.
Zati-aliləri, Sizə möhkəm cansağlığı, dost Azərbaycan xalqına sülh və firavanlıq arzu edirəm.
Cənab Prezident, xahiş edirəm dərin ehtiramımı qəbul edin".
Milli.Az
