Paytaxtın Suraxanı rayonu Əmircan qəsəbəsində yerləşən 85 nömrəli orta məktəbdə qanlı hadisə baş verib.
Milli.Az ARB TV-yə istinadla xəbər verir ki, 11-ci sinif şagirdi dostu ilə arasında yaranan mübahisə zamanı bıçaqlanıb.
Mübahisənin kökündə hansı səbəbin dayandığı bəlli deyil.
Məktəbin müəllimləri bıçaqlanan şagirdin tərbiyəli uşaq olduğunu, xəsarət yetirənin kimliyini isə bilmədiklərini deyirlər.
Nizami Eminov- 85 nömrəli məktəbin təlim tərbiyə işləri üzrə direktor müavini: "Vuran şəxs Əliyev Turan bizim məktəbin hal-hazırda şagirdi deyil, Hacıyev Tərlan isə bizim məktəbin şagirdidir. Ümumiyyətlə o tərəfə necə keçib tənəffüs vaxtı və orada nə baş veribsə, şüşə kəsib. O anda uşaqlar da ona kömək göstərib qanaxmanı dayandırmaq üçün. Tərbiyəsi yaxşıdı, intizamlı uşaqdı, oxumağı zəifdi, özünü sərbəst idarə edir, davamiyyəti müntəzəm var. Narahatedici uşaq deyil".
Yaralı 3 saylı şəhər xəstəxanasının travmatologiya şöbəsinə yerləşdirilib.
Milli.Az
Digər maraqlı xəbərlər Milli.Az-ın Facebook səhifəsində
Videonu izləmək üçün şəklə klikləyin: