Türkiyə Futbol Federasiyası (TFF) 2018/2019 mövsümündə UEFA superkubokunun və ya Avropa Liqasının finalının İstanbulda keçirilməsi üçün UEFA-ya rəsmi müraciət edib.
Milli.Az goal.az-a istinadən xəbər verir ki, TFF final oyunlarının "Beşiktaş"a məxsus "Vodafon Arena"da təşkil edilməsini istəyir.
Avropa Liqasının və Çempionlar Liqasının finalına ev sahibliyinə namizədlər arasında Bakı Olimpiya Stadionu da var. Avroliqanın finalına digər namizədlər "Dinamo Arena" (Gürcüstan), "Frankfurt" stadionu, "Arena Ştutqart" (hər ikisi Almaniya), "Hampden Park" (Şotlandiya) , "Roman Sançes Pisxuan" (İspaniya) stadionlarıdır.
UEFA stadionlarla bağlı qərarını sentyabrda açıqlayacaq.
Milli.Az
Digər maraqlı xəbərlər Milli.Az-ın Facebook səhifəsində
