Bakı Ali Neft Məktəbinin tələbələri beynəlxalq sertifikatlarla təltif edildi

Bakı Ali Neft Məktəbinin tələbələri beynəlxalq sertifikatlarla təltif edildi
14:55 7 İyun 2017
56 Ölkə
Ölkə mətbuatı
A- A+

Bakı. Trend:

Bakı Ali Neft Məktəbində (BANM) neft hasilatının artırılması üçün istifadə olunan müasir üsullara həsr olunmuş 4 günlük seminara yekun vuruldu.

BANM-in İctimaiyyətlə əlaqələr şöbəsindən Trend-ə verilən məlumata görə, seminar Yaponiyanın İNPEX şirkətinin təşəbbüsü, “SOCAR UPSTREAM İnternational Management” MMC-nin və BANM-in təşkilatçılığı ilə keçirilib.

Seminarın keçirilməsi üçün Yaponiyanın Waseda Universitetinin Elm və mühəndislik fakültəsinin professoru Masanori Kurihara, universitetin elmi əməkdaşı Utomo Pratama, dünyada neftin və qazın kəşfiyyatı və hasilatı ilə məşğul olan İNPEX şirkətinin Resursların idarəolunması üzrə vitse-prezidenti Akihiko Kurashina, şirkətin Londondakı ofisinin Layın işlənməsi üzrə meneceri Takuya Muta və təlim koordinatoru Yukito Nomura Bakıya dəvət ediliblər.

Təlimlərdə ən fəal iştirak edən tələbələrə BANM-in rektoru Elmar Qasımov və İNPEX şirkətinin Resursların idarəolunması üzrə vitse-prezidenti Akihiko Kurashina tərəfindən təlim təşkilatçılarının imzası ilə sertifikatlar təqdim olunub.


Xəbərin orijinal ünvanı: http://az.trend.az/azerbaijan/society/2763826.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR