"Atletiko"nun hücumçusu Antuan Qrizmann Fransa millisinin düşərgəsində həmyerlisi Rafael Varana hörmətsizlik edib.
Milli.Az goal.az-a istinadən xəbər verir ki, komanda yoldaşları gənc müdafiəçini Çempionlar Liqasında ardıcıl 2-ci dəfə qalib olması münasibətilə təbrik etdiyi halda, Qrizmann onun əlini sıxmayıb. Daha sonra baş məşqçi Didye Deşam komandanı stol arxasında toplayıb və bunları deyib:
"Rafa da daxil olmaqla hamı burdadır. Təbrik edirəm, sən 3-cü dəfə ÇL-da qalib olmusan". Hər kəs alqışlasa da, Qrizmann yenə buna reaksiya verməyib.
Qeyd edək ki, ötən mövsüm Çempionlar Liqasının yarımfnalında "Real" məhz "Atletico"nu mübarizədən kənarlaşdırmışdı.
Milli.Az
Digər maraqlı xəbərlər Milli.Az-ın Facebook səhifəsində