Fövqəladə Hallar Nazirliyi ( FHN ) Yasamalda məcburi köçkün yataqxanasında baş verən yanğınla bağlı məlumat yayıb.
FHN-nin mətbuat xidmətindən Lent.az-a verilən məlumata görə, Yasamal rayonunda 5 mərtəbəli yataqxana binasında ayrı-ayrı vətəndaşlara məxsus ümumi sahəsi 282 m2 olan mənzillər 101 m2 sahədə yanıb. Yanğın zamanı 33 nəfər sakin təxliyə olunub, 3 nəfər xilas edilib. Binanın qalan hissəsi və yaxınlıqdakı tikililər yanğından mühafizə olunub. Yanğın saat 15:00-da yanğınsöndürənlər tərəfindən söndürülüb.