Gəncə. 7 iyun. REPORT.AZ/ Gəncə şəhərində intihara cəhd hadisəsi baş verib.
"Report"un Qərb bürosunun məlumatına görə, adı hələlik açıqlanmayan 33-35 yaşlı kişi yaşadığı evdə sirkə turşusu içərək intihara cəhd edib.
O, yaxınları tərəfindən Gəncə şəhər Təcili Tibbi Yardım Xəstəxanasına aparılıb. Yaralıya həkimlər tərəfindən tibbi yardım göstərilib və reanimasiya şöbəsinə yerləşdirilib. Onun vəziyyətinin ağır olduğu bildirilir.
Faktla bağlı araşdırma aparılır.