Futbol üzrə Almaniya milli komandasına Rusiyada keçiriləcək Konfederasiyalar Kuboku üçün yeni kapitan seçilib.
Milli.Az goal.az-a istinadən xəbər verir ki, bu, Fransa PSJ-sinin yarımmüdafiəçisi Yulian Drakslerdir.
24 yaşlı oyunçu ilk dəfə bu funksiyanı ötən gün Danimarka ilə yoldaşlıq görüşündə yerinə yetirib. Baş məşqçi Yoahim Löv 1:1 hesablı heç-heçə ilə nəticələnən görüşdə Drakslerin oyunu və məsuliyyəti öz üzərinə götürdüyünü və komandanı öz arxasınca apardığını bildirib.
İyunun 17-də start götürəcək Konfederasiyalar Kubokunda Löv bir çox ulduz futbolçunun xidmətindən yararlanmayacaq. Qrup mərhələsində Bundestimin rəqibləri Avstraliya, Çili və Kamerun olacaq.
Milli.Az