Çinin "Xiaomi" şirkəti gələn həftə əməliyyat sisteminin yeni versiyasını təqdim etməyi planlaşdırır. Sistemdə başlıca yenilik smartfon ekranlarını yarıya bölməyə imkan verəcək yeni "MIUI 8" funksiyası olacaq.
Milli.Az ICTnews-a istinadən bildirir ki, məlumata görə, ekranın bir hissəsində istənilən mobil əlavəni işə salmaq mümkün olacaq. Analoji funksiya "iOS 10" əməliyyat sistemində də quraşdırılıb. Lakin Çin istehsalçısının sistemində istifadəçilər təkcə "MiPad" planşetinin deyil, bütün "Xiaomi" smartfon ekranlarını tən yarıya bölmək imkanı əldə edəcəklər.
Bildirilir ki, əməliyyat sisteminin yenilənmiş versiyasını bir neçə gün sonra yükləmək mümkün olsa da, bu, ilkin mərhələdə qapalı beta test olacaq, bir neçə həftə sonra ondan hamı yararlana biləcək.
Əməliyyat sisteminin son versiyasının iyulda Çində satışa çıxarılacağı gözlənilir. Onun dünya bazarına nə vaxt təqdim ediləcəyi barədə məlumat verilmir.
Milli.Az
Digər maraqlı xəbərlər Milli.Az-ın Facebook səhifəsində
