Bakı Ali Neft Məktəbinin (BANM) rəhbərliyi, professor-müəllim heyəti, əməkdaşları və tələbələri Dövlət Akademik Opera və Balet Teatrında görkəmli Azərbaycan bəstəkarı Fikrət Əmirovun "1001 gecə" ikihissəli baletini izlədilər. Bu mədəni tədbir 2017-ci ilin iyulunda buraxılışı olacaq ilk məzunların şərəfinə təşkil edilmişdir.
Milli.Az xəbər verir ki, tədbiri giriş sözü ilə açan BANM-in rektoru Elmar Qasımov gələcək məzunları təbrik etdi və onlara uğurlar dilədi. Rektor qeyd etdi ki, onun başçılıq etdiyi təhsil ocağında dəqiq elmlərlə yanaşı, incəsənətə və yaradıcılığa da eyni dərəcədə maraq göstərirlər. "Ali Məktəbin rəhbərliyi və müəllimləri Azərbaycan üçün sadəcə neft-qaz mühəndisliyi sahəsində yüksəkixtisaslı mütəxəssislər deyil, həm də intellektual və zəngin şəxsiyyətlər və vətəndaşlar yetişdirməyə çalışırlar. Bu gün isə biz dahi sənətkarımızın Fikrət Əmirovun "1001 gecə" baletini izləyəciyik. Artıq 40 ilə yaxındır ki bu tamaşa Opera və Balet Teatrının repertuarında olan ən populyar tamaşalardan biridir", - E.Qasımov dedi.
Daha sonra, qonaqlar "1001 gecə" baletini çox böyük maraqla izlədilər. Tamaşa başa çatdıqdan sonra tamaşaçılar uzun müddət yaddaşlardan silinməyəcək bir gün yaşatdıqlarına görə təşəkkürünü bildirərək aktyorlara gül dəstələri təqdim etdilər və onları ayaq üstə alqışladılar.
Milli.Az
Digər maraqlı xəbərlər Milli.Az-ın Facebook səhifəsində
