Bakı. 8 iyun. REPORT.AZ/ Əgər bir neçə il bundan əvvəl idxal üçün 11 sənəd tələb olunurdusa, hazırda bu rəqəm 4-ə düşüb.
"Report" xəbər verir ki, bunu Avropa İttifaqı - Azərbaycan biznes-forumunda çıxış edən Dövlət Gömrük Komitəsinin (DGK) sədr müavini Şahin Bağırov deyib.
O, həmçinin bildirib ki, ixrac üçün tələb olunan sənədlərin də sayı əhəmiyyətli dərəcədə azaldılıb və hazırda 3-ə düşüb.
DGK rəsmisi Azərbaycanın Gürcüstanla sərhəddində yeni ticarət ofisinin yaradılacağını da qeyd edib.
"Gömrük sahəsində aparılan islahatlar sırasında elektron bəyannamələrlə bağlı məsələlər xüsusi yer tutur. Bu gün biz gömrük bəyannamələrinin 98%-nin elektron şəkildə verilməsinə nail olmuşuq", - deyə Ş.Bağırov fikrini tamamlayıb.
