İran səfirliyi Tehrandakı terror aktları ilə bağlı bəyanat yaydı

İran səfirliyi Tehrandakı terror aktları ilə bağlı bəyanat yaydı
13:17 8 İyun 2017
22 Ölkə
Ölkə mətbuatı
A- A+

İran İslam Respublikasının Azərbaycandakı səfirliyi Tehranda baş vermiş terror hadisələri ilə bağlı bəyanat yayıb.

Milli.Az xəbər verir ki, Trend-də daxil olan bəyanatda səfirlik İranda baş vermiş son terror hadisələrini pisləyərək bildirir: "İran İslam Respublikası yarandığı gündən indiyədək 8 illik sövq edilmiş müharibənin, həmçinin 17 mindən artıq günahsız insanların terrorçular və onların himayədarları tərəfindən qətlə yetirilməsi kimi bir çox acı hadisələrin şahidi olub. Bu gün İranın sabitliyi də məhz terrorizmlə mübarizə və öz daxili təhlükəsizliyini qorumaq nəticəsində müyəssər olub".

Qeyd olunur ki, İran İslam Respublikası regionun ən sabit və demokratik ölkələrindən biridir. Son zamanlarda İranda xalqın 73 faizindən çox hissəsinin iştirakı ilə çox möhtəşəm, eyni zamanda tam təhlükəsiz bir şəraitdə seçkilər keçirilib.

Bəyanarda deyilir ki, İran İslam Respublikası hər zaman regionda sülh və sabitliyin qorunmasına təkid edir:

"İranda baş vermiş son terror hadisəsini isə regionda sülh düşmənlərinin narahatlığı və əsəbi kimi analiz etmək olar. Baş vermiş son terror hadisəsi İran İslam Respublikası dövləti və millətinin regionda izlədiyi sülh, təhlükəsizlik, əmin-amanlıq və inkişaf sahəsində olan ciddi iradəsinə heç bir mənfi təsir göstərməyəcək. İranın böyük milləti və millətin seçdiyi dövlət keçən illərdə olduğu kimi sülh və əmin-amanlığın möhkəmlənməsi, habelə terrorçu qruplaşmalarla mübarizəni öz inkaredilməz haqqı sayır".

Milli.Az

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/crime/552353.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR