Tom Kruz fironun qızına qarşı

Tom Kruz fironun qızına qarşı
16:52 8 İyun 2017
Ölkə mətbuatı
A- A+

"Bundan sonra dünyanı tanrılar və nəhənglər idarə edəcək"

7 iyun tarixində "Mumiya" filminin premyera öncəsi IMAX formatında eksklüziv media nümayişi baş tutub. Gecənin qonaqları, jurnalistlər, blogerlər, biznes əməkdaşları və tanınmış simalar Özsüt Bakunun ləziz desertlərindən dadıb, Carabao içkiləri sayəsində enerjiylə kökləndirlər və qorxu filmini izlədilər. Qeyd edək ki, filmin nümayişi Bakıda yeganə IMAX formatlı zalın yerləşdiyi Park Cinema Flame Towers-da baş tutub. 8 iyun tarixindən etibarən film ölkə kinoteatrlarında geniş nümayişə buraxılacaq.

"Mumiya" filmi haqda maraqlı faktlar:

4 aprel 2012-ci il tarixində Universal Pictures mumiya filimlər silsiləsinin yenidən hazırlanması haqda bildirmişdi, filmin ssenarisi Devid Kepp, Kristofer Makkuori, Dilan Kassman və başqaları tərəfindən yazılmışdı. 30 iyul 2014-cü il tarixindən Aleks Kurtsman filmin rejissoru təyin edilib.

24 noyabr 2015-ci il tarixində Tom Kruzun filmdə baş rolda yer alması üçün danışıqlar apardığı məlum olub. Daha sonra The Hollywood Reporter Sofiya Butellanın mumiya rolu üçün danışıqlar apardığını bildirib. 2016-cı ilin yanvar ayında Tom Kruz və Butellanın filmdə çəkilişlərə dair müqavilə imzaladıqları rəsmi şəkildə bəyan edilib. 2016-cı ilin mart ayından etibarən filmin aktyor heyətinə Annabel Uollis BMT yanında arheqoloq rolunda, Ceyk Conson hərbi qulluqçu rolunda və Marvan Kenzari qoşulublar. Daha sonra Rassel Krounun doktor Henri Cekilla və mister Edvard Hayd rolları üçün danışıqlar apardığı xəbəri yayılmışdı. Bu rol üçün Havyer Bardem, Eddi Redmeyn, Cozef Qordon-Levitt və Tom Hardi də nəzərdə tutulmuşdular. Və nəhayət, 6 may 2016-cı il tarixində Rassel Krounun doktor Henri Cekilla rolunu ifa edəcəyi təsdiqlənib.

Filmin çəkilişlərinə 3 aprel 2016-cı il tarixində Oksford, Böyük Britaniyada start verilib. Çəkilişlərin bir qismi Londonda, Surreydə baş tutub. Daha sonra çəkiliş qrupu Namibiyaya yollanaraq iki həftə ərzində filmin yekun səhnələrin çəkib çəkiliş posesini yekunlaşdırıb.

Süjet:

Ucsuz-bucaqsız səhralığın mərkəzində nəhəng məqbərədə misir fironunun qızı dəfn olunub, lakin gün gələcək o əslində ona məxsus olanı qaytarmaq üçün bizim dünyamıza dönüş edəcək. Bundan sonra dünyanı tanrılar və nəhənglər idarə edəcək.

Milli.Az


Xəbərin orijinal ünvanı: http://news.milli.az/culture/552495.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR