Ümumdünya Gömrük Təşkilatının (ÜGT) İnformasiya Texnologiyaları üzrə konfrans və sərgisində iştirak etmək məqsədilə Gürcüstan Respublikasının paytaxtı Tbilisi şəhərində səfərdə olan Dövlət Gömrük Komitəsinin sədri, gömrük xidməti general-polkovniki Aydın Əliyevin rəhbərlik etdiyi nümayəndə heyəti iyunun 8-də informasiya texnologiyaları sərgisinə baxış keçirib.
Publika.az xəbər verir ki, nümayəndə heyəti sərgidə nümayiş olunan gömrük nəzarətinin təşkili prosesində tətbiq edilən ən müasir innovativ yeniliklər, texniki nəzarət vasitələri ilə tanış olublar.