Xaçmazda evə basqın edən şəxslər tutulub.
Daxili İşlər Nazirliyindən Metbuat.az-a verilən məlumata görə, rayonun Hülövlu kənd sakini Məsumə Qasımovanın yaşadığı evə daxil olan naməlum şəxs onun boynuna bıçaq dirəyərək, pul və qızıl-zinət əşyaları tələb edib. Qadın səs-küy salaraq qonşulardan yardım istədiyindən, həmin şəxs masanın üstündəki mobil telefonu götürərək qaçıb.
Fakt barədə Xaçmaz RPŞ-yə məlumat verilib.
Şübhəli şəxs qismində əvvəllər məhkumluq həyatı yaşamış Vüqar Sadıqovun və Taleh Cavadovun polisdə ifadələri alınıb. Onlar törətdikləri hadisəni etiraf ediblər.
