"Barselona" ilə yeni müqaviləni razılaşdıran Lionel Messi İspaniyada otel alıb.
Milli.Az apasport.az-a istinadən xəbər verir ki, argentinalı forvardın yeni oteli Barselonanın 40 km cənub-qərbində yerləşir.
30 yaşlı hücumçunun Sitjes qəsəbəsində olan 4 ulduzlu yeni otelinin qiyməti təxminən 30 milyon avro dəyərindədir. 2013-cü ildə inşa edilən binada 77 otaq mövcuddur. Dəniz kənarında yerləşən otelin bir gecəsi 250-300 avro təşkil edir.
Qeyd edək ki, yeni müqaviləyə görə, Lionel Messi 2022-ci ilə qədər "Barselona"ya məxsus olacaq. Onun illik məvacibi 30 milyon avrodan başlayacaq və bu məbləğ hər il artacaq.
Milli.Az
Digər maraqlı xəbərlər Milli.Az-ın Facebook səhifəsində
