ABŞ-da məktəbliləri daşıyan avtobus aşıb, azı 20 nəfər xəsarət alıb
ABŞ-ın Atlanta şəhəri yaxınlığında məktəbliləri daşıyan avtobus aşıb, azı 20 nəfər xəsarət alıb. APA-nın “Assoşieyted Press”ə istinadən verdiyi xəbərə görə, baptist kilsəsinə məxsus avtobus aeroporta gedən yolda aşıb. Avtobusda yuxarı sinif şagirdləri və böyüklərin olduğu bildirilir.
Qəza zamanı 21 nəfər xəsarət alıb. Onlardan bir neçəsinin vəziyyətinin kritik olduğu bildirilir.
Hadisənin səbəbləri araşdırılır.