Böyük Britaniyada keçirilən parlament seçkilərində səsvermə baş çatıb.
Publika.az “RİA Novosti”yə istinadən xəbər verir ki, seçki məntəqələri yerli vaxtla 22.00-da (Bakı vaxtı ilə 01.00-da) bağlanıb.
Səsvermənin yekun nəticələri iyunun 9-da elan ediləcək.
Seçkilərin yekunlarına əsasən Nazirlər Kabinetinin tərkibi müəyyən ediləcək və parlamentin İcmalar Palatası formalaşdırılacaq. Seçkilər ərəfəsi keçirilmiş sorğular seçicilərin Leyboristlər Partiyasından daha çox Mühafizəkarlar Partiyasına üstünlük verdiyini (4-9%) müəyyənləşdirib.
