Xoşqədəm Hidayyətqızının müəllifi olduğu “Bizə danış” verilişində bir cütlük imkanları olmadığı üçün toy edə bilmədiklərini, hər kəsdən yardım gözlədiklərini bildiriblər. Lakin məlum olub ki, daha öncə xeyriyyəçi insanlardan biri onlara toy edibmiş.
Metbuat.az xəbər verir ki, bu haqda jurnalist Aynur Qurbanqızı rəsmi "Facebook" səhifəsində məlumat verib:
“Şokdayam vallah! Belələrinə görə kimsə kiməsə yaxşılıq etmir. Bəylə gəlin kimsəsiz uşaqlar evində böyüyüblər. Xeyriyyəçi insanlar onlara toy da edib, cehiz də verib. İndi utanmaz-utanmaz Xoşqədəmin verilişinə çıxıb, "Kaş ki, həyatımda bir dəfə gəlinlik geysəydim" deyib toy tələb edirlər. Nə qədər utanmaz olasan ki, bela yalan danışasan... Bu adamlara toy edənlər əməklərinin yerə vurulduğuna görə üzüntü içindədirlər. Ayıb olsun! Yetim olanda nə olar, insan insan olsun gərək, saxtakar yox! Vallah, kiməsə yaxşılıq etmək hissim belələrinə görə getdikcə ölür... Paylaşın, hər kəs bilsin”.
Məsələyə toyun təşkilatçısı, xeyriyyəçi Xəyalə Şafiyevada şərh bildirib:
“Dünən mənə xəbər çatdı. Heç nə demirəm, o toyda çəkdiyim əziyyəti halal etmirəm. Etdiyim toyu bəyənməyiblər, gedib verilişə çıxıblar ki, bir də toy edin. Belə əclaflar insanlara olan inamı itirir. Heyif çəkilən o əziyyətdən”.
Toydan fotolar:
Dilarə Zamanova / Metbuat.az
