Bakı. 9 iyun. REPORT.AZ/ "Premium" kinoteatrlar şəbəkəsi “CinemaPlus” FİDE Qran Prisində iştirak edən Azərbaycan şahmatçısı Teymur Rəcəbovun rəsmi tərəfdaşı olub. "Report"un məlumatına görə, “CinemaPlus” 4 seriyadan ibarət yarışın qalibinin məhz Rəcəbov olacağına ümid edir.
Qeyd edək ki, Qran Pri seriyalarından ilk 2-si Qra Şarja (Birləşmiş Ərəb Əmirlikləri) və Moskva (Rusiya) şəhərlərində keçirilib. 5 - 16 iyulda Cenevrə (İsveçrə), 15 - 26 noyabrda Palma-de-Mayorka (İspaniya) şəhərləri son 2 Qran Priyə ev sahibliyi edəcək. Seriya nəticəsində iki qalib müəyyənləşəcək və İddiaçılar Turnirinə vəsiqə qazanacaq.
