ABŞ Mərkəzi Kəşfiyyat İdarəsinin (CİA) “Qaranlıq
şahzadə” ləqəbi ilə tanınan, bir çox gizli əməliyyatları idarə edən
Mikael Dandrea İran əməliyyatlarının rəhbərliyinə gətirilib.
Publika.az xəbər verir ki, bu barədə “Nyu York Times”
nəşri yazıb.
Nəşr yazır ki, sərtlik tərəfdarı və aqressiv olan Dandrea “Qaranlıq
şahzadə” və “Ayətullah Mike” ləqəbləri ilə tanınır: “Onun CİA-nın
İran bölməsinin rəhbərliyinə gətirilməsi Tramp Administrasiyasının
İran məsələsində daha sərt addımlar atacağından xəbər verir”.
Dandrea “Əl-Qaidə”nin zəiflədilməsində bir nömrəli şəxs kimi də
tanınır. O, Yaxın Şərqdə CİA-nın saysız əməliyyatlarında iştirak
edib. Virciniyada doğulan Dandreanın atası və babası da CİA
əməkdaşı olub. İddialar var ki, Dandrea müsəlman qadınla ailə qurub
və İslam dinini qəbul edib. İndiyə qədər Əfqanıstan, Pakistan və
Yəmən kimi ölkələrdə qəddar üsulları ilə seçilib.
Asif
