Rüfət Axundov bu gün rusiyalı müğənni Anjelika ilə duet oxuduğu “Love Story” adlı mahnıya çəkdirdiyi klipi təqdim edib.
Publika.az xəbər verir ki, R.Axundov klip təqdimatında bildirib ki, mahnının sözləri və bəstəsi rusiyalı müğənniyə aiddir: “Anjelika ilə Moskvada bir tədbirdə tanış olmuşuq. Həmin tədbirdə Anjelika ilə rus dilində bir neçə mahnı ifa etdik. Sonra isə o, mahnı yazmaq istədiyini dedi və beləliklə duet ərsəyə gəldi. Klipi ərəb əmirliklərində çəkməyi planlaşdırmışdıq, lakin iş elə gətirdi ki, Bakıda lentə aldıq. Ekran işini 20 gün əvvəl Bakı çimərliklərində çəkmişik. Hava soyuq olsa da, Anjelika dənizdə üzməyə, hətta duşun altında çimməyə də razılıq verdi”.
Klipin neçəyə başa gəldiyini açıqlamayan azərbaycanlı müğənni mətbuat konfransında bildirib ki, klipi Rusiya kanallarında da göstərilməsi üçün çalışacaq.
38 yaşlı ifaçının klipdə tərəf müqabili ilə səmimi münasibtləri diqqətdən qaçmayıb.
Aytən,
Fotolar: Nurlan Gülmməmmədov
