Bakı. 9 iyun. REPORT.AZ/ Avstraliyanın Melburn şəhərində Braziliya və Argentina yığmaları arasında yoldaşlıq görüşü keçirilib.
"Report"un məlumatına görə, "Melburn Kriket Qraund" stadionunda təşkil olunmuş qarşılaşma Argentinanın qələbəsi ilə yekunlaşıb. Yeganə qol 45-ci dəqiqədə vurulub. 30 yaşlı müdafiəçi Qabriel Merkado fərqlənib.
Bununla da Argentina 2012-ci ildən sonra ilk dəfə Braziliyanı yenib. Buna baş məşqçi Xorxe Sampaolinin rəhbərliyi altında nail olunub.