Bakı. Trend:
Avropa Liqasının təsnifat mərhələsinə hazırlaşan “Zirə” klubu daha bir futbolçu ilə güclənib.
Trend klubun saytına istinadən məlumat verir ki, mərkəzi afrikalı David Manqa “qartallar”ın sıralarına qoşulub. Hücumameyilli yarımmüdafiəçi ilə 2 illik müqavilə imzalanıb.
28 yaşlı D.Manqa Fransanın PSJ klubunun yetirməsidir. Futbolçu karyerası ərzində Almaniya, İsrail və Serbiyada da çıxış edib. Onun son klubu İsrailin “Hapoel Aşkelon” komandası olub.
D.Manqa 2010-cu ildən Mərkəzi Afrika Respublikasının yığma komandasında çıxış edir.
