Bakı. Trend:
Mozambik polisi keçəl insanların dini ayinlər zamanı öldürülməsi ilə bağlı ölkə əhalisinə xəbərdarlıq edib.
Trend-in məlumatına görə, bu xəbərdarlıq ölkənin şimalında iki keçəl insanın meyitinin tapılmasından sonra verilib.
Bu meyitlər başı kəsilmiş və daxili orqanları çıxarılmış halda aşkar edilib.
Polis bildirib ki, yerli əhali arasında keçəl şəxslərin varlı olduğu barədə inanc mövcuddur.
Bir neçə il əvvəl həmin bölgədə albinoslar dini ayinlərin qurbanı olmuşdu. BMT-nin hesabatına əsasən, 100-dən çox albinos qətlə yetirilmişdi.
