Gəncə. 10 iyun. REPORT.AZ/ Gəncədə 1 nəfərin xəsarət alması ilə nəticələnən yol-nəqliyyat hadisəsi baş verib.
"Report"un Qərb bürosunun məlumatına görə, Gəncə şəhər sakini, taksi fəaliyyəti ilə məşğul olan 1988-ci il təvəllüdlü Əliyev Elçin Füzuli oğlunun idarə etdiyi "VAZ-2107" markalı avtomobil idarəetmədən çıxaraq yol kənarındakı maneəyə çırpılıb.
Nəticədə sürücü ağır xəsarət alaraq xəstəxanaya yerləşdirilib. Həkimlər tərəfindən əməliyyata olunan yaralının vəziyyəti ağırdır.
Fakrla bağlı araşdırma aparılır.
