Rusiya və ABŞ-ın nümayəndələri ən azı iki dəfə gizli
görüş keçiriblər.
Publika.az xəbər verir ki, bu haqda “Wall Street Journal”
nəşri şəxsi mənbələrə istinadən məlumat verib.
Görüşlərdə Suriyada yaradılması planlaşdırılan təhlükəsizlik
zonaları müzakirə olunub. Qəzetin mənbələrinin məlumatına görə,
görüşlər İordaniyada keçirilib, müzakirələrdə İordaniya
hakimiyyətinin nümayəndələri də iştirak edib. Amerika nəşri qeyd
edir ki, daha bir görüş bu həftə Omanda keçirilməli idi, ancaq
vaxtın uyğunlaşdırılmasında çətinliklərə görə ləğv edildi.
Mənbələr bildirir ki, Vaşinqton və Dəməşq arasında artan gərginlik
Rusiya və ABŞ arasında növbəti danışıqların keçirilməsini mümkünsüz
edə bilər.
Nəşrin həmsöhbətləri vurğulayırlar ki, təhlükəsizlik zonaları öz
effektivliyini sübut edərsə, Vaşinqton və Moskva təhlükəsizlik
zonalarının sayının artırılması üzrə razılaşa bilər.
Asif
