Cəlilabad rayonunun Sabirabad kəndində bıçaqlanma hadisəsi baş verib.
Publika.az "Report"a istinadən bildirir ki, 43 yaşlı kənd
sakini Rəfael Ağaş oğlu Səfərov mübahisə zəminində həmkəndlisi, 41
yaşlı Akif Kərəm oğlu Heydərov tərəfindən bıçaqlanıb.
İki bıçaq yarası alan Rəfael Səfərov Cəlilabad Rayon Mərkəzi
Xəstəxanasına çatdırılıb. Yaralı əməliyyat olunaraq Reanimasiya
şöbəsinə yerləşdirilib. Onun vəziyyətinin ağır olduğu bildirilir.
Akif Heydərov isə rayon Polis şöbəsinin əməkdaşları tərəfindən
saxlanılıb.
Faktla bağlı araşdırma aparılır.
