Uzun müddətdir leykoz xəstəliyindən əziyyət çəkən amerikalı aktyor Adam Uest 88 yaşında vəfat edib.
Milli.Az qafqazinfo-ya istinadən xəbər verir ki, "Betmen" obrazı ilə yaddaşlarda qalan məşhur aktyorun ölüm xəbərini ailə üzvləri paylaşıblar:
"O, özünü hər zaman döyüşçü olaraq görürdü. Onu sevənlərin həyatında müsbət iz buraxmaq istəyirdi. O bizim qəhrəmanımız idi və hər zaman da elə olacaq", - deyə ailəsindən verilən açıqlama qeyd edilib.
Qeyd edək ki, A.Uest 63 illik karyerasında "Betmen" obrazından başqa, "Simpsonlar" və "Qriffinlər" animasiya filmləri ilə də iz buraxıb.
Milli.Az
