Maştağa qəsəbəsində, Məmmədyarov dairəsi deyilən ərazidə yol qəzası baş verib.
Lent.az-ın “qafqazinfo”-ya istinadən xəbərinə görə, 99-DO-694 dövlət nömrə nişanlı "Mersedes"lə taksi fəaliyyəti ilə məşğul olan şəxs piyadanı vurub. Hadisədən bir neçə dəqiqə sonra o keçinib.
Kimliyi məlum olmasa da, piyadanın 17-18 yaşında yeniyetmə olduğu bildirilir.
Şahidlərin sözlərinə görə, sürücü piyadanı vurandan sonra xəstəxanaya aparmaq istəsə də, o, yolda dünyasını dəyişib.
Hadisə yerinə gələn polis əməkdaşları sürücünü həbs ediblər.
