Bakı. Trend:
"Mercedes" komandasının sürücüsü Britaniyalı Lyuis Hemilton Monrealdakı trasda Qran-pri Kanadanın qalibi oldu.
Trend-in məlumatına görə, onun komanda yoldaşı Valtteri Bottas ikinci yerdə, "Red Bull" komandasının avstraliyalı sürücüsü Deniel Rikyardo isə üçüncü yerdə qərarlaşıblar.
Lyuis Hemilton Qran-pri Kanadanın ardıcıl 3-cü, cəmi isə 6-cı dəfə qalibi oldu.
Ümumi hesaba əsasən, 1-ci pillədə "Ferrari" komandasının sürücüsü Sebastyan Fettel (141 xal), 2-ci pillədə Lyuis Hemilton (129 xal), 3-cü yerdə isə Valtteri Bottas (93 xal) qərarlaşıblar.
Qeyd edək ki, Formula-1 növbəti mərhələsi - Qran-pri Azərbaycan - iyun ayının 23-dən 25-nə qədər keçiriləcək.