Bakı. 12 iyun. REPORT.AZ/ "Mercedes" komandasını təmsil edən britaniyalı "Formula-1" pilotu Lüis Hemilton Kanada Qran-prisinin qalibi olub.
"Report" xəbər verir ki, ikinci yeri onun komanda yoldaşı ("Mercedes") Valtteri Bottas, üçüncü yeri "Red Bull" təmsilçisi Daniel Rikkardo tutub.
"Formula-1"in ümumi hesabında birinci yerdə 141 xal ilə Sebastyan Fettel (Ferrari) qərarlaşıb. Hemilton ikincidir. Onun aktivində 129 xal var. Bottas isə 93 xal ilə üçüncü yerdədir.
Qran-prinin növbəti mərhələsi 23-25 iyun tarixlərində Azərbaycanda keçiriləcək.