İmişli rayonunda ağır yol qəzası baş verib.
APA-nın Mil-Muğan bürosunun məlumatına görə, hadisə rayonun Soltanmuradlı kəndində qeydə alınıb.
Motosikletin yoldan çıxaraq aşması nəticəsində Xubyarlı kənd sakinləri, 1991-ci il təvəllüdlü Şükürov Rəhman Qəşəm oğlu və 1996-ci il təvəllüdlü Şükürov Xəqani Əjdər oğlu xəsarət alıb. Kəllə-beyin travması alan R.Şükürov müalicə üçün Bakıya göndərilib. Onun əmisi oğlu X.Şükürov İmişli Rayon Mərkəzi Xəstəxanasına yerləşdirilib. Məlumata görə, qəzaya motosikletin qarşısına çıxan heyvan səbəb olub.
Faktla bağlı araşdırma aparılır.
